გამოვიდა ჟურნალ “გადასახადები და აღრიცხვის” 2017 წლის ნოემბრის თვის (მეორე ნახევრის) 22-ე ნომერი, რომელშიც იბეჭდება:
1.ჟურნალის მთავარი ექსპერტის ნარიმან ტერაშვილის სტატია „ურთიერთჩათვლების
აღრიცხვა და დაბეგვრა.”
საქართველოს საგადასახადო კანონმდებლობამ გაითვალისწინა ის ფაქტი, რომ პრაქტიკაში ხშირია გადასახადის გადამხდელის წინაშე ფინანსურ ვალდებულებათა გაუქმების ან დაფარვის შემთხვევები (ურთიერთჩათვლები), და საგადასახადო კოდექსის 138-ე მუხლის მე-2 ნაწილით და 139-ე მუხლის მე-3 ნაწილით დაადგინა, რომ თუ გადასახადის გადამხდელი შემოსავლებისა და ხარჯების აღსარიცხავად იყენებს საკასო
მეთოდს, ფინანსურ ვალდებულებათა გადაფარვის ან დაფარვის შემთხვევაში, კერძოდ, ურთიერთჩათვლის დროს, შემოსავლების მიღებისა და ხარჯების გაწევის მომენტად ითვლება ფინანსურ ვალდებულებათა გაუქმების ან დაფარვის მომენტი, ხოლო თუ გადასახადის გადამხდელი შემოსავლებისა და ხარჯების აღსარიცხავად იყენებს დარიცხვის მეთოდს, შემოსავლების მიღების და ხარჯების გაწევის მომენტად,
საგადასახადო კოდექსის 141-ე და 142-ე მუხლების პირველი ნაწილების თანახმად, ითვლება მომენტი, როცა გარიგების (ხელშეკრულების) ყველა მონაწილემ ფაქტობრივად შეასრულა თავისი ვალდებულება ამ გარიგების (ხელშეკრულების) მიხედვით.
ურთიერთჩათვლების დროს ბუღალტრის ამოცანაა უპასუხოს ხელმძღვანელის (საწარმოს ან ორგანიზაციის დირექტორის) კითხვას – როგორი სახის ხელშეკრულების გაფორმება არის უფრო უკეთესი ასეთ შემთხვევებში, ხოლო შემდეგ სწორად გაატაროს ხელშეკრულებით გათვალისწინებული სამეურნეო ოპერაციები.

2. ბესიკ კვირკველიას სტატიის “მოგების გადასახადის გაანგარიშება ე.წ. ესტონური მოდელის მიხედვით” გაგრძელება.
როგორც წინა პუბლიკაციებში, ავტორი აქაც განაგრძობს ახალი საგადასახადო მოდელის (ე.წ. “ესტონური მოდელი”) განხილვას კონკრეტულ მაგალითების მიხედვით და ასევე, პრაქტიკულად აჩვენებს მოგების დეკლარაციის შევსების პროცედურას.
3. ჯემალ ბერიძის “საშემოსავლო გადასახადით დაბეგვრის აქტუალური საკითხები.”
საგადასახადო კანონმდებლობა განსაზღვრავს საშემოსავლო გადასახადის სუბიექტს _ გადასახადის გადამხდელს, ანუ პირს, რომელსაც ზოგადად ეკისრება საგადასახადო ვალდებულება კონკრეტულ დაბეგვრის ობიექტთან მიმართებით. საშემოსავლო გადასახადის გადამხდელს წარმოადგენს მხოლოდ ფიზიკური პირი. გადასახადის მიზნებისათვის ფიზიკური პირები იყოფიან ორ კატეგორიად: რეზიდენტ და არარეზიდენტ ფიზიკურ პირებად. არარეზიდენტი ფიზიკური პირი გადასახადის გადამხდელს წარმოადგენს მხოლოდ საქართველოში არსებული წყაროდან მიღებულ შემოსავლებთან მიმართებით. Gგადასახადის გადამხდელის ცნება ასევე მოიცავს იმ პირებსაც, რომლებსაც უშუალოდ არ აკისრიათ საშემოსავლო გადასახადის გადახდა. მაგალითად, როდესაც დაქირავებული პირის კუთვნილი საშემოსავლო გადასახადი გადაიხდება დამქირავებლის (საგადასახადო აგენტის) მეშვეობით, გადასახადის გადამხდელს კი კვლავ დაქირავებული პირი წარმოადგენს. განხილულია მაგალითი.

4. ჟურნალი აქვეყნებს ტესტებს საგადასახადო და საბუღალტრო საკითხებზე, რომელთა პასუხებიც მოცემულია ჟურნალის ბოლოს, 50-ე გვერდზე.

ჟურნალში იბეჭდება ოფიციალური მასალები აქტუალურ საგადასახადო და ბუღალტრული საკითხების შესახებ.

როგორც ყოველთვის, “საგადასახადო პრაქტიკუმის” რუბრიკით ქვეყნდება ჩვენი ექსპერტის პასუხები ხელმომწერთა კითხვებზე. 
4.“მდიდართა ბიოგრაფიის” რუბრიკაში იბეჭდება “ჩჟენ ინი _ “ცხრა დრაკონის’ მომთვინიერებელი.”
თითქმის წარმოუდგენელია გამოიმუშაო 3 მილიარდი დოლარი და გახდე მსოფლიოში უმდიდრესი ბიზეს-ლედი მარტო იმით, რომ ყურადღებით შეისწავლო ამერიკისა და ჩინეთის ნაგავსაყრელები...არადა ჩჟან ინმა თავისი ესოდენ წარმატებული საქმე ააგო ლამის ცარიელ ადგილას: იყიდა რა აშშ-ს ნაგავსაყრელები, მან დაიწყო მეორადი ქაღალდის ნედლეულის მიწოდება ჩინეთისათვის. მზა პროდუქცია კი მუყაოს ყუთების სახით კვლავ ამერიკაში ბრუნდება ჩინურ საქონელთან ერთად.
ჯერ კიდევ არცთუ დიდი ხნის წინათ ჩინეთში სიტყვა “კაპიტალიზმი” და “კერძო საკუთრება” მიეკუთვნებოდა “ბურჟუაზიულ სარეველას”, რომელიც უნდა ამოეძირკვათ, და ვერავინ წამოიდგენდა, რომ ქვეყანას მალე ეყოლებოდა არა მარტო მილიონერები, არამედ მილიარდერებიც. გასულ წელს მათი რიცხვი 15 იყო. მათი რაოდენობა წლიდან წლამდე მატულობს, თუმცა ერთადერთი პოზიცია, რაც ალბათ, არ გადაიხედება, ეს არის ჩინეთის უმდიდრესი ადამიანის რეიტინგი, და მას ინარჩუნებს ყველაზე მდიდარი ბიზნეს-ლედი, რომელმაც თვითონ შექმნა თავისი თავი, ანუ როგორც ამერიკელები იტყვიან, ის არის “სელფ მეიდ ვუმენ.”